كيك ناني لذيييذة

 










لسلام عليكم ورحمة الله وبركاته

هدا كيك ناني كيجي هشيش و لذيذ و متعرفيش مناش مصاوبا الكريما ديالو 
حتى كتسولي.....ندخلو فالموضوع بلا اطالة 
و انا ليوم جيت نشارككم بكيكتي المفضلة و كنشكر مولاتها ناني  بزاف بزاف اي حاجة خديت من عندها كتصدق ليا

المقادير
2فلان كراميل
نصف لتر حليب
10 بسكويت "صابلي"
ملعقتي قهوة سريعة الذوبان
250 غرام كريم فريش"قشدة طرية"مخفقة"نضربها بالطراب الكهربائي" مسبقا
5ملاعق سكر و كل حسب ذوقه
كيك مجهز من قبل على حسب ذوقكي
الطريقة  

 نغليو الفلان و الحليب و نخليوه يبرد شوية و نضيفو كل المقادير المذكورة و نخليوه يبرد

ملي يبرد خليط الفلان و المقادير الاخرى نخلطوه مع الكريما

نخلطوه فمولينيكس و نصبوه فوق الكيك انا عندي الكيك مقطع لان المول ديال الكيك كان مستطيلا و قطعتو حتى يتلائم مع الشكل الدائري

 ندخلو الطرطة للمجمد لمدة 20 دقيقة و نزيل القالب الذي كان مثبتا لطبقة الفلون 
و نرجعوه تاني للمجمد لمدة ساعتين 

  و الان التزيين بالكاكاو من فوق بواسطة غربال
و شكلاط فيرميسيل و ناخدو الكريما الى شاطت لينا و نزينو بيها 
ثم كناخدو اي ياغورت شكلاط و نكتبو بيه  فوق الطرطة

 و بصحتكم و راحتكم
 هادي كيك ناني كنت صوبتها
 و قطعتها مربعات
 المشكل نقصت عدد البسكويت و جاني الكريم اللي فالفوق ماشي متماسك مزيان يعني 10 بسكويت ضرورية