كيك عيد ميلاد اختي " شكل مربع"

السلام عليكم

كيك عيد ميلاد اختي

 

 

 

المقادير   

لجنواز كبيرة نحتاج:

8 بيضات

2 كؤوس دقيق = 250 غرام

كأسين ألا ربع سكر =250 غرام سكر

4 ملاعق كاكاو= 50غرام

خمارة حمراء و ساشي فاني

ربع كاس زيت= 3 ملاعق

ملحوظة:يجب ان استعمل 200 غرام دقيق عوض 250 غرام لكن مع ذالك الجنواز كانت جيدة. 

  

 

 

 

 

 

 

 

 

نطربو البيض فوق اناء به ماء ساخن "حمام   مريم".

لمدة خمس دقائق بالطراب الكهربائي

-->

 

 

 

 

 

 

 

 

حتى نلاحظ صعود فقاعات و رغوة 

نضيف السكر و الزيت و الفاني 

 

 

 

 

 

 

 

نغربل الكاكاو و هي خطوة ضرورية

و الدقيق ايضا

ثم نضيف الخميرة في الاخير.

 

 

 

 

 

 

 

 

 

 

في لاطة الفرن نسرح ورق سيلفيريي ثم نصب فوقه الخليط ثم ندخله الى الفرن

انتباه

أهم خطوة هي الفرن عليكي أن تتقني فن الخبز أي كيف تتعاملين مع  فرنك و تعرفين متى يحرق و متى تنضج فيه الطبخات...

ولا يجب أن يكون مائلا ..و مدى فعاليته فهناك أفرنة بطيئة الخبز أو سريعة و كلاتاهما يجب الانتباه لهما.

عندما تضعين الجنواز يجب ان يكون الفرن ساخنا و لا تفتحي الفرن حتى تمر 20 دقيقة على الاقل هذا بالنسبة لفرني أما انت 

سيدتي فأنت تعرفين فرنك.

ننتقل الى التزيين

نصف لتر قشدة طرية "كريم فريش"

نخفق القشدة الطرية مع قليل من  السكر الكلاصي حتى تصبح كريم

 أذيب الشكلاطة في حمام مريم في مغرفة أحببت هذه الطريقة لان الشوكولا يذوب بسرعة و لا أجد مشكلة مع الجوانب فهي مقعرة و يسهل غسلها ايضا

 أقوم ببعض الرسمات بواسطة ابرة الحناء 
و أزين بالعقيق قطعة من الشوكولا

 هاهي الجنواز وجدات سقيتها بماء و سكر غليانين
شفتو الفرن عندي شوية مائل و جاتني غليظة من جهة و رقيقة من جهة لكني تداركت الموقف

و قطعت مربع 
القياس خدتو بعيني فقط ليس لدي قالب مربع لذلك 
حضرت الكيك ديالي بطريقة عشوائية
الجنواز جاتني قليلة و كملت الطبقة اللي فالوسط بالقطع ديال الجنواز

 جنواز خرجات ليا 2 مربعات مزيانين
و وحدة مقطعة اللي مقطعة وضعتها بالوسط باش متبانش

 الطبقة الاولى دهنتها بكريم 
الطبقة الثانية بكريم لونته بفلان الفريز 

 كنخرج الزواقات اللي صوبت من الثلاجة و كنقطعهم و كنزين بيهم جوانب الكيك

 كناخذ جيب حلواني و كنعمر فيه اللي تبقى لي من الكريما

و كنزين بكرز معلب أو فواكه معسلة حسب الذوق

 و كنحااول نتفنن في وضع الزخارف اللي رسمت 
للاشارة كنهزهم بسكين من اسفل الورقة و بحذر لانهم كيتكسرو بسرعة 

,ردة برتقالية عطاها ليا صاحب المخبزة كتر الله خيرو 
أما الاوراق صيبتهم بعجينة لوز جاهزة لونتها بزعفران و قرمزي كان عندي و عطاني اللون الاخضر

 من بعد رشيت بالموزون الغذائي

و بالصحة و الراحة

    

هذا هو كاس العنبة
يسمى بالعنبة لان به رسوم على شكل عنب و هو جد مشهور في العالم العربي و متوفر في جميع الاسواق

 و هو اللي كناخد بيه قياسات الدقيق و السكر.. احيانا كناخذ الغرام كوحدة قياس