بسيطيلات دجاج على شكل سيكار 'مطبخ حسونة'

  بالنسبة لمقادير لبسطيلة كنحتاجو التالي

المقادير:

نص كيلو ورقة البسطيلة

دجاج

زلافة لوز منزوع القشرة مقلي و مطحون

بيضة

زبدة

للتزيين قرفة و سكر

الطريقة:

الدجاج كنطيبو مع قليل من الزيت و الثوم و بصل محكوك و توابل و قزبر و معدنوس و نزيد كنور دجاج و نصب ماء حتى نشوف ان اللحم قرب يتسلخ العظم و نطفي النار و نخد لحم الدجاج فقط 

  و ناخد المرقة اللي طاب فيها الدجاج نعزلوها لوحدها و نفقسو فيها بيضة  و نطيبوها و لما تعقاد لينا المرقة نطفيو عليها النار

 

ناخدو ورقة بسطيلة نقسموها على زوج ندهنوها بزبدة و نحط مقدار من الدجاج و مقدار من اللوز ثم مقدار 

من المرقة "ممكن اضافة عسل  "

و نطويو الورقة على شكل سيكار.

-->

كندخل السيكار للفرن حتى يتحمر و نزينو من الفوق بقرفة و سكر كلاصي

و الى شاطت ليكم شي ورقة بسطيلة ديرو وسطها قطع تفاح و قليل من سكر..باش متضيعش الورقة.